典藏故事
- 檢索條件:
-
深碇地區生活母語知識建構與應用計畫-茶葉採錄(二)
- 作者:鄭福田文教基金會
- 時間:2021/08/15
- 地點:新北市石碇區
為了扭轉母語快速流失的情形,藉由母語詞條的建構,除了讓更多人知道過去深碇地區過去的產業脈絡,亦能保留過去珍貴的產業記憶與技藝,無形中也增加母語保存的效益。藉由採錄文字、圖片、音源記載下來,將可回復時代推演下的技藝傳統術語,映照先民的生活智慧。 2021/8/15,我們帶領學員實地至新北市石碇區的旺來製茶園,採錄製茶的器具、製程,了解許多製茶的行話與眉角。
茶菜
台語漢字: 茶菜
台羅拼音: tê-tshài
華語詞目: 茶菁
詮釋:
(台語漢字)
對茶欉挽落來的葉仔掛茶枝叫做茶菜,嘛叫做茶青(tê-tshinn)。
茶菜挽落來了後,愛經過曝(pha̍k)、炒、撋(nuá)、kha̋n-só等等的過程,才會當製作茶米出來。
手挽的茶菜會講究講愛一心兩葉(tsit sim nn̄g hio̍h)抑一心三葉,機器採的無通遐斟酌,毋過欲採茶菜進前嘛會先共茶欉整形,予品質穩定。
(華語)
從茶樹摘下的枝葉稱為茶菜,也稱為茶菁/茶青。茶菁摘下後,經萎凋、殺青、揉捻、乾燥等過程,製成茶葉。手摘的茶菁會講究要一心二葉或一心三葉,機採的沒有辦法那麼精確,但要採茶菁前會先幫茶樹整形,使茶菁品質穩定。
採錄對象: 石碇-旺來製茶園
採錄與彙整:鍾育紋
總審定: 劉承賢博士
蝝仔
台語漢字: 蝝仔
台羅拼音: iân-á
華語詞目: 小葉綠蟬、茶小葉綠蟬
詮釋:
(台語漢字)
蝝仔是一種細隻的蟲豸(thâng-thuā),成蟲的身長大約7毫米,身軀頂有青色的保護色。
蝝仔捌予人當做歹蟲,後來才發現予咬過的茶葉做的茶有特殊的芳氣。蝝仔會欶(suh)茶欉葉仔的湯,予食過的葉仔會略仔黃黃,嘛會變小可仔彎彎,無像本來遐爾仔伸(tshun)。
蝝仔食過的葉提來做茶,上出名的是膨風茶。
(華語)
小葉綠蟬是一種小隻的昆蟲,成蟲體長約7毫米,身上有綠色的保護色。小葉綠蟬曾被當害蟲,後來才發現牠咬過的茶葉做茶會有特殊風味。小葉綠蟬是吸茶葉的汁液,被吸過的茶葉會略黃,葉子會稍微彎曲,不像原本的伸直。以被小葉綠蟬吃過的茶葉來製茶,最為出名的即東方美人茶。
採錄對象: 石碇-旺來製茶園
採錄與彙整:鍾育紋
總審定: 劉承賢博士
轉尾
台語漢字: 轉尾
台羅拼音: tńg-bér/bué/bé
華語詞目: 摘心
詮釋:
(台語漢字)
茶欉(tê-tsâng)咧大的過程中,一段時間過愛共茶心挽掉,予茶欉閣對邊仔發穎出來。
茶欉經過幾若擺轉尾了後,樹椏(tshiū-ue)就會愈發愈濟枝,按呢落尾葉仔就會較茂(ōm)。
茶欉的葉仔若濟,挽的時較就有額。茶農表示,若照起工來顧茶欉,差不多種落去過兩冬就會當開始挽茶,共茶欉顧予在,通挽幾若十年的茶。
(華語)
茶樹成長過程中,過一段時間便要摘心,讓茶樹長出側芽。茶樹經過幾回的摘心,樹枝便會越來越多枝,有利於之後葉子的茂密。茶樹的葉子若多,採收起來量才會大。茶農表示,若好好照顧茶樹,種下來約莫兩年後便可開始摘茶,把茶樹顧得健康,茶可以採幾十年。
採錄對象:石碇-旺來製茶園
採錄與彙整:鍾育紋
總審定: 劉承賢博士
蝝仔氣
台語漢字: 蝝仔氣
台羅拼音: iân-á-khuì
華語詞目: (查網路有人是寫做『蜒仔氣』,看起來就是直接用台語讀的)
詮釋:
(台語漢字)
予蝝仔食過的茶葉來做茶米,泡出來的茶有一種特殊的芳氣,叫做蝝仔氣。
一般來講,著蝝(tio̍h-iân)的茶米裡,愈高級的蝝仔氣會愈明顯,親像膨風茶的蝝仔氣,是泡好囥予冷了後,芳氣較會出來。
有人形容彼款芳氣親像蜜,佇喙裡略仔甜甜,入喉氣味真讚。
(華語)
以被小葉綠蟬咬過的葉子製作茶葉,沖泡出來的茶有一種特殊的香氣,稱為iân-á-khuì。一般而言,茶菁有被小葉綠蟬咬過做成的茶葉,比較高級的iân-á-khuì才會比較明顯,如東方美人茶的iân-á-khuì是泡好放冷之後,香氣才比較會顯現。有人形容該香氣有如蜂蜜,喝在嘴裡感覺略甜,喉韻風味佳。
採錄對象: 石碇-旺來製茶園
採錄與彙整:鍾育紋
總審定: 劉承賢博士