查看素材詳目

台語漢字: 挽茶
台羅拼音: bán tê
華語詞目: 採茶
詮釋:
(台語漢字)
製程1「挽茶(bán tê)」：石碇仔屬佇(tī)文山區，茶米以直仔為主，若挽(bán)春茶佇清明、穀雨之間，以採茶機剪茶，春天發穎(huat-ínn)進前茶樹先修剪整型，機器採收頂懸幼葉仔較袂含(kânn)老葉。挽茶較愛佇好天早起露水焦(ta)9點過才開始，茶葉水分少芳氣較足。立秋訪問海拔500m濕水仔巷茶園，倚晝的風猶原涼涼，環境舒爽。

註解：1.直仔/直仔茶：石碇仔對包種茶的講法。文山區以包種茶為主，包含坪林、新店、石碇、深坑、台北市文山區。這馬熱天有時嘛會採收夏仔茶做蜜香紅茶，雖然和包種茶仝款是長直型，石碇仔會號做紅茶，袂講做直仔茶。

(華語) 採茶：石碇屬於文山區，茶葉以包種茶為主，若採收春茶在清明、穀雨之間，以採茶機採茶，春天長芽前茶樹先修剪整型，機器採收長上端的新芽時較不易採到老葉。採茶宜晴天晨露散去9點後再開始，茶葉含水少香氣較足。立秋訪問海拔500m的濕水仔巷茶園，午時仍涼風拂面，環境舒適。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 曝予軟
台羅拼音: pha̍k hōo nńg
華語詞目: 日光萎凋、室內萎凋
詮釋:
(台語漢字)
製程2「曝予軟」：茶菜挽好集中，先佇日頭跤曝予(pha̍k hōo)行(kiânn)水到軟，就徙(suá)室內披佇笳籬(ka-lê)內面囥咧莫共振動，笳籬一層(tsàn)閣一層囥懸(khǹg kuân)，等茶菜漸漸發酵變味吐芳氣，才反茶(píng tê)予茶菜行水平均、葉緣靠傷，空氣入葉肉，葉內酵素發酵(huat-kànn)產生化學變化。囥咧莫振動、反茶按呢一直替換幾若改大約10點鐘發酵15%，是製茶時間過程上長的一段。

註解：
1.曝予軟：差不多一點鐘，若日頭當炎，頂面會搝(khiú)網仔小遮一下。
2.茶菜：石碇仔講茶菜，學者講「茶青/茶菁」。
3.行水：有的所在講走水(tsáu tsuí)。
4.笳籬：有的所在講𥴊壺(kám-ôo)。
5.發酵：茶菜內面的酵素，佇行水曝軟的過程，佮空氣之間產生氧化、變化和芳氣。
6.反茶：有个所在講弄茶(lāng tê)。

(華語)萎凋：茶葉採好集中，先日光萎凋走水到軟，就移室內萎凋放淺圓竹筐內靜置，竹筐一層一層疊高高的，等茶葉漸漸變味吐香氣，就翻茶、醒茶促使走水均勻，葉緣碰傷讓空氣更易走入葉身，促葉內酵素發酵/氧化產生化學變化。靜置、翻茶一直輪替大約10小時發酵15%，是製茶過程時間最長的一段。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 炒茶
台羅拼音: tshá tê
華語詞目: 殺菁
詮釋:
(台語漢字)
製程3「炒茶(tshá tê)」：用250到300度的懸溫炒予熟，通停止茶菜酵素活性，消除臭青味，予茶菜變閣較軟，愛用4~5分鐘。台灣以早用大鼎炒號做炒茶菜，溫度懸茶葉的芳氣會較厚。這馬(tsit-má)用炒茶機炒茶，定時、溫控攏方便，炒茶、反茶做一改完成，茶米的品質較穩定，炒到茶菜略略仔(lio̍h-lio̍h-á)焦就會使。

(華語)殺菁：使用250到300度的高溫炒熟，以停止茶菁發酵，消除青臭味，讓茶菁更柔軟，要4~5分鐘。台灣以前用大鍋炒稱炒菁，溫度高茶葉的香味會較濃。現在用殺菁機炒菁，定時、控溫都方便，炒茶、翻茶一起完成，茶葉的品質較穩定，炒到茶菁稍有乾燥感即可。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 撋茶
台羅拼音: nuá tê
華語詞目: 揉捻
詮釋:
(台語漢字)
製程4「撋茶(nuá tê)」：撋茶主要是破壞茶菜，予內部的茶汁流出來表面，泡茶較好出味，撋傷重茶汁走(tsáu)去泡著無味，撋傷輕茶汁猶佇葉內底較僫（oh）出味；另外，撋茶會當予茶菜虯(khiû)起來。這馬用撋茶機撋茶，生產速度較緊嘛較穩定。文山區出品的包種茶，長直型自然彎，才號做直仔茶，無閣包布撋虯做半圓型虯仔茶。

(華語)
揉捻：揉捻主要是破壞茶菁，讓內部茶汁流及葉表，泡茶茶味易釋出，揉捻太重茶汁易離葉泡來無味，揉捻太輕茶汁在葉內較難泡出味，另外揉捻可讓茶葉呈捲曲狀。現在用揉捻機揉捻，生產速度較快品質較穩定。文山區出產的包種茶，條索狀自然微彎，才稱作條狀茶，未再包布團揉成半圓形茶。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 烘焦
台羅拼音: hang-ta
華語詞目: 乾燥
詮釋:
(台語漢字)
製程5「烘焦(hang-ta)」：用80到100度懸溫，來回2~3改烘一點鐘久，予茶菜水分齊勻(tsiâu-ûn)焦，含(kâm)水量3~5%，烘焦的過程會破壞賰的酵素(kànn-sòo) ，予停止發酵，茶味固定落來較袂(bē)變質閣好保存、運送。這馬用燥(sò)機/kha̋n-sò-ki烘，烘好焦燥的茶就號做粗製茶。

(華語)
乾燥：使用80到100度高溫來回2~3次烘乾一小時長，讓茶葉水分均勻乾，含水量降到3~5%，烘乾的過程可以破壞殘留的酵素以停止發酵，茶味固定下來較不變質好保存、運送。現在用大型茶葉乾燥機，乾燥好的茶稱毛茶。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 揀茶枝
台羅拼音: kíng tê-ki
華語詞目: 撿茶梗
詮釋:
(台語漢字)
製程6「揀茶枝(kíng tê-ki)」：高品質的茶抑是機器採收的茶會閣揀茶枝，將傷長的茶枝、老葉仔、雜質揀掉。揀茶枝的人工成本，和揀出來的茶枝嘛是消磨品，所以價數(kè-siàu)嘛會較懸。揀茶枝需要一寡時間，茶米會濕著，愛閣走一遍。較早，揀茶枝是婦人人(hū-jîn-lâng)趁錢的機會，會相招做伙做工課，這馬已經有咧用電腦揀茶枝。

(華語)
撿茶梗：高品質的茶或是機器採收的茶會再撿茶梗，將過長的茶梗、老葉、雜質挑掉。撿茶梗的人工成本，和挑出來的茶梗也是消耗品，所以價格會較高。撿茶梗需要一些時間，茶葉也會吸到水氣，所以要再焙火。以前，撿茶梗是婦人賺錢的機會，會相邀一起工作，現在已開始使用電腦撿茶梗。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 閣走一遍
台羅拼音: koh tsáu--tsi̍t-piàn
華語詞目: 焙火
詮釋:
(台語漢字)
製程7「閣走一遍 (koh tsáu--tsi̍t-piàn)」：為著予粗製茶的水分焦予較齊勻(tsiâu-ûn)，較好保存、增加茶米的芳氣，會用烘箱閣走一遍。80度燒勻勻仔(ûn-ûn-á)烘2點鐘。以早會用炭火寬寬仔(khuann-khuann-á)烘，照焙火的程度，茶米分做無焙茶的生茶、輕到中焙茶的半生熟、重焙火的熟茶。愈接近生茶愈清芳愈原味，愈接近熟茶味愈厚、較耐泡，直仔茶發酵輕、焙火嘛輕，是較清芳接近原味的茶，直仔茶到遮完成做茶的過程，大約愛24~36點鐘。

(華語)
焙火：為了讓毛茶的水分均勻焙乾，較好保存、增加茶葉風味，會用茶葉烘乾機再跑一次，80度溫慢慢焙火2小時。以早會用炭火緩緩的焙火，依焙火的程度，茶葉分為無焙茶/生茶、輕~中焙茶/半生熟、重焙火茶/熟茶。愈接近生茶愈清香愈原味，愈接近熟茶味愈醇厚、耐泡。包種茶發酵輕焙火輕，是較清香接近原味的茶。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 茶焦
台羅拼音: tê-tann
華語詞目: 乾茶
詮釋:
(台語漢字)
茶焦(tê-tann)：已經烘焦的茶，石碇仔共號做茶焦。烘焦有兩改，揀茶枝的前和後，攏是烘焦的製程，會講粗製茶的茶焦，閣走一遍的茶焦。製茶的工序足濟足幼，技術嘛真懸。烘焦做有好勢，閣配合抽空氣的包裝方式，後面的經銷期茶較好囥較袂走味變質。我愈了解茶農的專業佮辛苦，就愈珍惜台灣茶的好滋味。

(華語)
乾茶：已經烘乾的茶，石碇稱乾茶，烘乾有兩次，撿茶梗的前和後，都是烘乾的製程，會說毛茶的乾茶，焙火過的乾茶。製茶的工序非常多非常細，技術很高，烘乾做得好，再配合真空包裝，後面的經銷期茶比較好存放較不會走味變質。我愈了解茶農的專業和辛苦，就愈珍惜台灣茶的好滋味。

採錄對象: 石碇-旺來製茶園
採錄與彙整：許麗荀
總審定: 劉承賢博士

查看素材詳目

台語漢字: 茶籗
台羅拼音: tê-khah
華語詞目: 茶籃
詮釋:
(台語漢字)
用竹篾仔編的竹籃仔，籃仔喙較細，籃仔身闊闊，挽茶的人共伊揹佇腰裡抑是尻脊後，貯挽落來的茶青。挽茶的人那挽那貯，茶籗若貯滇，就提去倒咧茶籠（tê-láng），了後才做伙共挽落來的茶菜提去室外爁日（nah-ji̍t/nah-li̍t）予茶菜收束變軟。

(華語)
用竹子編製而成的籃子，籃口小，籃身較寬闊，讓採茶的人背在身後或是腰際，盛裝採下來的茶葉。採茶人如果把茶籃裝滿後就會將茶葉倒到圓形竹簍，再將採下來的茶葉拿到室外進行發酵萎凋。

採錄對象: 石碇-旺來製茶園
採錄與彙整：陳草
總審定: 劉承賢博士

查看素材詳目

台語漢字: 笳籬
台羅拼音: ka-lê
華語詞目: 大而淺的圓形竹筐
詮釋:
(台語漢字)
用竹篾仔編的圓形、闊、平又閣淺，用來貯物件的器具。
茶菜挽轉來，會鋪佇ka-lê（笳籬）頂面予茶菜行水，了後通好做炒茶的工課。
笳籬（ka-lê）佇南部、北部有無仝的名稱，南部的人講是𥴊壺（kám-ôo）。石碇仔的在地人共伊叫做笳籬（ka-lê）。做茶的人用笳籬（ka-lê）來曝茶菜。

(華語)
用竹子編製而成，圓又寬廣的竹筐，用來盛裝物品。茶青採回來後平鋪其上以萎凋茶青，然後進行後續製茶的工作。這種圓形淺竹筐，南北部有不同的稱呼。南部人稱𥴊壺（kám-ôo），在石碇，當地的人稱它為『笳籬/ka-lê』。製茶的人用它來讓茶葉發酵軟化。

採錄對象: 石碇-旺來製茶園
採錄與彙整：陳草
總審定: 劉承賢博士

查看素材詳目

台語漢字: 茶毛
台羅拼音: tê-moo
華語詞目: 茶毛（茶葉上白色的部分）
詮釋:
(台語漢字)
焦燥了後的茶米，頂面彼沿白色的部分叫茶毛。膨風茶是一心兩葉，茶菜挽轉來，中央的茶心猶未開，茶炒好了後，幼心就會較虯較膨，炒好的茶米頂面看起來會白白，彼就是茶毛。通常青茶茶毛較少，膨風茶茶毛較濟，濾茶的時陣，有當時閣會去窒著，彼毋是垃圾（lah-sap）是茶毛。

(華語)
乾燥後的茶葉上面那一層白色的部分，稱為茶毛。東方美人茶是一心二葉，茶葉採摘回來後，中間的葉心尚未伸展開，當茶葉經過烘焙，嫩心的部分會較為膨脹並產生白白的現象，那個白色部分就是茶毛。通常清茶茶毛較少，東方美人茶較多，過濾茶水的時候，有時過濾的漏斗上面的洞會被茶毛塞住。

採錄對象: 石碇-旺來製茶園
採錄與彙整：陳草
總審定: 劉承賢博士

查看素材詳目

台語漢字: 炒茶機
台羅拼音: tshá-tê-ki
華語詞目: 殺菁機/炒菁機
詮釋:
(台語漢字)
鐵仔做的長管形器具，頂面有風門，用來調整溫度的懸低。透過踅圓箍仔形的方式轉踅（tńg-se̍h），用懸溫來予茶菜停止發酵，嘛予茶葉的含水量降低。茶菜佇室外佮室內曝（pha̍k）軟發酵了後，囥入去炒茶機內底，透過炒茶機的轉踅（tńg-se̍h），予茶菜停止發酵，嘛去除茶菜的臭青味，時間大概四到六分鐘。茶菜囥入去炒茶機的時間佮茶菜的軟度會影響著茶米的芳氣，是做茶上重要的部分。

(華語)
鐵製長條形的圓管，上面有個風門，茶葉放到裡面用來殺青及讓茶葉停止發酵。茶葉經過室內及室外的萎凋後，放進去殺菁機內，經過高溫的炒製，除了讓茶葉停止發酵，也去除茶葉本身的草味。茶葉放到殺青機內的時間很重要，它會影響茶葉的柔軟度及發酵程度，並會影響茶葉製成後的風味，是製茶過程中很重要的環節。

採錄對象: 石碇-旺來製茶園
採錄與彙整：陳草
總審定: 劉承賢博士

查看素材詳目

台語漢字: 撋茶機
台羅拼音: nuá-tê-ki
華語詞目: 揉捻機
詮釋:
(台語漢字)
撋茶機下面有一个圓盤，共茶菜囥佇頂面，透過頂面彼个半球形的機械（ki-hāi），共茶汁撋出來。
撋茶機用踅圓箍仔形的力予囥佇下面的茶菜相磨（sio-buâ
），通共茶汁撋出來。除了增加茶的芳氣嘛予茶葉變做小可彎彎的長條形。 早期做茶攏是全手工咧做的，愛跤手齊（tsiâu）用落去撋茶，了後是用柴做的半人工望月式的撋茶機，這馬用的撋茶機是鐵仔做的。

(華語)
揉捻機底部是個圓盤，將茶葉放置其上，透過上方半球形鐵製帽狀物，來揉捻茶葉。炒茶機用繞圓的方式讓茶葉互相摩擦，並將葉子內的汁液揉捻出來，除了增加茶葉的香氣外，也讓茶葉成為捲曲的長條狀。早期都是手工製茶，需要手腳並用，後來有了木頭做的望月式揉捻機，演變到現在的鐵製機械式揉捻機。

採錄對象: 石碇-旺來製茶園
採錄與彙整：陳草
總審定: 劉承賢博士

查看素材詳目

台語漢字: 燥機/烘茶機
台羅拼音: sò-ki/ hang-tê-ki
華語詞目: 乾燥機
詮釋:
(台語漢字)
嘛叫做kha̋n-sò機 （kha̋n-sò-ki），共撋好的茶菜送入去有khong-bé-á的機器內底烘，機器內面有一層一層，總共有六層，按呢來回烘兩、三擺了後，茶米就完成矣。
用懸溫來共茶葉烘焦，阻止茶葉閣再發酵，予茶的品質提升。
烘茶的時陣愛來回兩、三擺，一擺大概愛一點鐘，欲有好的茶米，做茶的過程中，定定一工二四點鐘攏無通歇睏。

(華語)
揉捻好的的茶葉放進去類似輸送帶傳送的機器內烘烤，經過一層一層的輸送烘烤，茶葉就完成了。
利用高溫使茶葉上的水分蒸發，阻止茶葉發酵，提高茶葉之品質，茶葉需要經過至少兩次至三次的來回烘烤，一次大概要一個小時，為了要有好的成品，製茶的過程中常常是一天24小時都無法休息。

採錄對象: 石碇-旺來製茶園
採錄與彙整：陳草
總審定: 劉承賢博士

查看素材詳目

台語漢字: 直仔
台羅拼音: ti̍t-á
華語詞目: 條狀茶葉
詮釋:
(台語漢字)
直仔的茶米外形是長條形(tn̂g-liâu-hîng)的。
茶菜挽落來了後，佇日頭跤曝予軟才徙到室內，過炒了後就到撋(nuá)的程序。「撋茶機」會共茶菜撋做長條仔形的，就是直仔，若閣繼續撋落去，外形會變做是半虯仔(puànn-khiû-á)就號做虯仔，毋過有一寡茶會繼續維持伊直仔的外形。
清茶(tshinn-tê/tshing-tê)、紅茶、膨風茶的茶米是長條形的直仔。和虯仔比，直仔較蓬鬆，收存的時較占所在。

(華語)
條狀茶葉的外形呈長條狀。茶葉摘下經室外及室內萎凋後，並完成炒菁程序，再進到揉捻的步驟。在揉捻機揉捻之後的茶葉會變成條狀的，此時的茶葉就是「直仔ti̍t-á」，有些茶種會繼續揉捻，使之成為半球狀或球狀，但也有部分茶種會維持條狀的外形。清茶(包種茶)、紅茶、東方美人茶的茶葉為條形的「直仔」。和球形茶葉相比，條狀茶葉比較蓬鬆，收存時較占空間。

採錄對象:石碇-旺來製茶園
採錄與彙整：鍾育紋
總審定: 劉承賢博士

查看素材詳目

台語漢字: 虯仔
台羅拼音: khiû-á
華語詞目: 球狀茶葉
詮釋:
(台語漢字)
虯仔的茶米外形是圓圓、虯做一丸的。
茶菜挽落來了後，佇日頭跤曝予軟了，會徙到室內，過炒了後就到撋(nuá)的程序。「撋茶機」會共茶菜撋做長條仔形的，就是直仔。有个茶會閣繼續撋落去，外形會變做是半虯仔(puànn-khiû-á)，就是虯仔。虯仔較袂蓬鬆，較好收囥。烏龍茶攏是虯仔較濟。
撋做虯仔的茶米，體積(thé-tsik)較細，比較較好保存。烏龍茶的外形大部份是虯仔。

(華語)
球狀茶葉的形狀是圓的、捲曲成球形。茶葉摘下經室外及室內萎凋後，並完成炒菁程序，再進到揉捻的步驟。在揉捻機揉捻之後的茶葉會變成條狀的，此時的茶葉就是「直仔ti̍t-á」，有些茶種會繼續揉捻，使之成為半球狀或球狀。製成球狀的茶葉體積較小，便於保存。烏龍茶的外形多為球狀。

採錄對象: 石碇-旺來製茶園
採錄與彙整：鍾育紋
總審定: 劉承賢博士

查看素材詳目

台語漢字: 春仔/春仔茶
台羅拼音: tshun-á/tshun-á-tê
華語詞目: 春茶
詮釋:
(台語漢字)
清明過到立夏進前 (大約佇四月至五月初)挽的茶，號做春仔。
北部文山茶區(臺北市、新北市)的春仔芳氣較足，適合提來做溫和、清芳的清茶(tshinn-tê/tshing-tê)，清茶就是一般人所講的包種茶。
清茶是輕發酵的茶，茶味甘甜，芳氣十足。一般來講，文山茶區的春仔和冬仔提來做清茶較濟，夏仔茶做紅茶和膨風茶的品質較好。

註：頭家娘講，清茶這个詞老沿的是讀做tshinn-tê，毋過較會予人誤會做啉了會礙胃的『生茶』，所以較少年輩有的會共清茶改讀做tshing-tê，取伊茶味清芳的意思。

(華語)
清明過後到立夏前這段時間(約莫在四月至五月初)所採摘的茶，稱為春茶。北部文山茶區的春茶香氣較明顯，適合做成溫和、清香的清茶，清茶即一般人稱呼的包種茶。清茶為輕發酵的茶，茶味甘甜、香氣明顯。一般而言，文山茶區的春茶和冬茶多做成清茶，夏茶則是製成蜜香紅茶及東方美人茶的品質較佳。
備註：老闆娘說，清茶一詞老一輩的是讀做tshinn-tê，但易被誤以為是喝了會胃部不適的生茶，故有些比較年輕的人會將其改稱為tshing-tê，取其茶味清香之意。

採錄對象: 石碇-旺來製茶園
採錄與彙整：鍾育紋
總審定: 劉承賢博士

查看素材詳目

台語漢字: 夏仔茶
台羅拼音: hē-á-tê
華語詞目: 夏茶
詮釋:
(台語漢字)
新曆五月初到八月挽的茶，叫做夏仔茶。
熱天溫度較懸，有日的時間嘛長，茶的生長速度較緊，大概40外工就會當挽，熱天的茶菜提來做重(tiōng)芳氣、輕發酵的清茶(tshinn-tê)較無合，毋過真適合來做重發酵(tāng-huat-kànn)的茶，親像紅茶和膨風茶。
熱天嘛拄好是蝝仔較厚的季節，蝝仔食過的茶菜會當做膨風茶和紅茶，有特殊的芳氣。

(華語)
新曆五月初至八月摘的茶，名為夏茶。夏天氣溫高，日照時間長，茶的生長速度快，約莫40多天便可採摘，夏天不適合做成重香氣、輕發酵的清茶，但適合做成重發酵的茶，像是蜜香紅茶和東方美人茶。夏天也恰巧是小葉綠蟬較多的時期，小葉綠蟬吃過的茶菁來做東方美人茶和蜜香紅茶，增添了茶的特殊香氣。

採錄對象:石碇-旺來製茶園
採錄與彙整：鍾育紋
總審定: 劉承賢博士

查看素材詳目

台語漢字: 茶股
台羅拼音: tê-kóo
華語詞目: 田路
詮釋:
(台語漢字)
茶園裡會有真濟逝(tsuā)茶仔欉，一逝一逝的茶仔欉中間會留通行路的塗路，這就是茶股。
茶園一年當中挽茶的時間有一定的安排，普通時仔，茶股會當崁(khàm)塗豆殼等等，予塗保持溼度嘛較袂發草，若準閬(làng)較久無欲挽茶，茶股嘛會當種其他的作物。
茶農表示寒人歇久無欲採茶的時，會充分利用茶股來種菜，比論講著時的芥菜、菜頭等等，予茶園的土地發揮閣較大的功效。

(華語)
茶園中會種很多排的茶樹，一排一排的茶樹間會留好走路的通道，即田路。在一年之間，茶園採茶的時間有一定的安排，平時，田路會覆蓋花生殼等物質，使土壤保溼並不易長草，若有較長時間不採茶，田路也可另種他種作物。茶農表示冬季會有比較長的時間不採茶，這時便會利用田中走道來種菜，像是合時節的芥菜、白蘿蔔等，使茶園的土地利用發揮更大的功效。

採錄對象: 石碇-旺來製茶園
採錄與彙整： 鍾育紋
總審定: 劉承賢博士

查看素材詳目

台語漢字: 茶海
台羅拼音: tê-hái
華語詞目: 茶海、茶盅、公道杯
詮釋:
(台語漢字)
用來貯(té)已經泡好的茶米茶的器具。
茶米茶泡好了後，若閣浸佇泡茶的茶鈷(tê-kóo)裡會泡了過頭去，愛斟(thîn)出來佇杯仔抑是斟入去茶海裡囥(khǹg)。
泡茶的過程有袂少幼路的部份愛斟酌(tsim-tsiok)，才會有清芳潤喉的茶通啉(lim)。

(華語)
用來存放已完成茶湯的容器。茶泡好之後，若持續置放於茶壺中會過度浸泡，要倒出來杯子裡或置放至茶海裡。沖泡茶葉有不少細節須講究，才會有清香潤喉的茶可喝。

採錄對象:石碇-旺來製茶園
採錄與彙整：鍾育紋
總審定: 劉承賢博士