查看素材詳目

台語漢字: 地牛
台羅拼音: tē-gû
華語詞目: 地錨
詮釋:
(台語漢字)
佇咧「角間」（kak-king）的封頭壁（hong-thâu-piah）下跤這个所在，遐有一个圈仔（khian-á），這个圈仔就號做「地牛」（tē-gû），又閣號做「風颱硩」（hong-thai-teh）。
照蔡班長共逐家分享所講的，較早伊會用一粒大石頭，抑是像講「舂臼」（tsing-kū / tsing-khū）這款 ê 家私，輾（lìn）來縛索仔，因為少年 ê 時陣較𢯾（mooh）有法。落尾（lo̍h-bér / lo̍h-bué / lo̍h-bé）班長規氣用「地牛」（tē-gû）來縛，下跤固定了後，索仔另外一爿著愛縛佇咧頂懸的「簷口梁」（tsînn-kháu-niû），共縛予絚。
這是為欲風颱若來的時陣，會使替厝頂做加強。而且厝瓦若予風吹走、閣會當補修，梁若無固定，規个厝頂歹去，就較僫做整修。

(華語)
在兩側邊間的外牆，大約兩面磚壁的轉角處下方，有一道粗鐵圍成圈圈立在地面上，這道鐵圈在華語又叫做「地錨」。
根據蔡班長分享表示，以往他會搬一顆大石頭，或是將舂米的臼滾來牆角下方綁上繩子，運用器具的的重量固定住繩子的一端。後來班長進行改良，運用這種叫做「地錨」的鐵圈來綁繩子。
至於繩子的另外一端，則會綁在屋簷口的樑柱上，要綁得緊且紮實。這是為了颱風來臨前做準備，能夠幫屋頂做加強。畢竟屋瓦如果被吹走幾片還能稍做補修；但如果整個屋頂都被吹壞，整修的困難度會比較高。

採錄對象: 深坑蔡氏古厝/蔡金來
採錄與彙整: 陳亮穎
總審定: 王桂蘭博士

查看素材詳目

查看素材詳目

台語漢字: 相食穿
台羅拼音: sio-tsia̍h-tshīng
華語詞目: ❶形容原物料緊實融合 ❷意指結構穩固紮實
詮釋:
(台語漢字)
「相食穿」(sio-tsia̍h-tshīng)這个詞佇無仝情境內底有無仝的意思。
親像咧做塗墼、欲先反田塗的時陣，一般著閣愛共稻仔草鉸做短短的一節一節，差不多十公分，才摻入去田塗內底做伙搜（tshiau），浞甲稻草會軟。而且閣愛共漚半個月、逐工加水，繼續浞，塗佮草兩項才會「相食穿」。
另外一種情境，親像咧疊塗墼的時陣，著愛對外圍四角共疊起去厝頂，變成一逝一逝斜的，疊甲倚厝內欲收尾的所在，按呢塗墼才會鬥有峇，這結構有穩定、塗牆徛予在，嘛叫做「相食穿」。

(華語)
「相食穿」這個詞隨著在不同的情境當中運用，意思解說的方式也不同。
像是在印製土磚之前，要先收集田土翻攪製作原物料，除此之外還需要將稻草剪成短短一段段的，每節差不多十公分左右，再加入田土當中一同翻攪，稻草才會被浸得濕軟。在此之後土跟稻草要混合浸泡半個月，每天加水攪拌，最終兩者才會緊密結合「相食穿」。
另外像是在疊放土磚的時候，從屋牆轉角的地方將磚角一一疊上去屋頂，形成一道道斜放的結構，疊放到房子內部適合土磚收尾的地方，這樣土磚才能緊密結合，形成穩固的土牆結構，這樣的狀態也可以形容為「相食穿」。

採錄對象: 深坑蔡氏古厝/蔡金來
採錄與彙整: 陳亮穎
總審定: 王桂蘭博士

查看素材詳目

查看素材詳目

台語漢字: 田塗
台羅拼音: tshân-thôo
華語詞目: 來自田地的土
詮釋:
(台語漢字)
就蔡班長本身的經驗，抑是講照深坑（Tshim-khinn）遮的地理資源來講，用「田塗」（tshân-thôo）印塗墼，會並「山塗」較適合來做。因為「田塗」的密度較懸、塗質較實，無像「山塗」頂面彼層真濟砂、較無黏性。
毋過「田塗」若焦去會勼水，雖然嘛無講勼甲佮原底的精差蓋濟，事先咧用柴枋做「塗墼印」（thôo-kat-ìn）的時陣，嘛猶原著愛共寸尺掠較闊一屑仔。當然一間厝內底，每一塊磚仔角固定的寸尺，這是在人變化的。

(華語)
根據蔡班長本身的經驗，或依據深坑這裡的地理環境資源而言，若運用來自田地的土來印製土磚，會比山上一般的土還適合。因為田地的土質密度較高、較為紮實，不像山地的土質上層含砂量較高、且黏性較低。
不過因為田地的土製作的土磚，在晾乾的期間會縮水，雖說不至於與原本相差太多，但事先用木板製作土磚模的時候，還是可以將尺寸做寬一點。當然，每一間房子當中，磚角固定的尺寸，還是可以隨人制定變化。

採錄對象: 深坑蔡氏古厝/蔡金來
採錄與彙整: 陳亮穎
總審定: 王桂蘭博士

查看素材詳目

查看素材詳目

台語漢字: 交釘
台羅拼音: kau-ting
華語詞目: 磚塊或磁磚的交錯疊放或排列，以增加穩固性的工法。
詮釋:
(台語漢字)
一般佇咧疊塗墼的時陣，毋但愛疊倒匼、抹塗漿，伊才會平，而且袂使直直疊起去，著閣愛照斜的方向沓沓仔交叉疊塗墼，按呢磚仔角才有法度鬥予峇，規个塗牆嘛會穩篤篤。這款起厝的手路，就叫做「交釘」（kau-ting）。

(華語)
一般在疊土磚的時候，不僅需要將土磚倒過來疊放堆砌，抹上土漿令其平整，且並非直接一塊一塊向上直直疊去，而是需要斜向交叉，慢慢地將土磚堆砌疊放，這樣磚角才能緊密結合，使整面土牆結構穩固。這種蓋房子的工法，就叫做「交釘」（kau-ting）。

採錄對象: 深坑蔡氏古厝/蔡金來
採錄與彙整: 陳亮穎
總審定: 王桂蘭博士

查看素材詳目

台語漢字: 天放一山來
台羅拼音: Thinn pàng tsi̍t suann lâi
華語詞目: 天放一山來
詮釋:
(台語漢字)
這句話提醒咱世間人，該有的就愛有，該放的就愛放。人講毋好逆天，愛隨著天地運作。
這是山友寫的春聯，正手爿 (tsiànn-tshiú-pîng)「春隨茶草綠」，倒手爿 (tò-tshiú-pîng)「人與梅花香」。重點是面頂彼句「天放一山來」，蔡班長研究誠久，發現這愛用台語來讀。天公伯咧作主的，天若欲放予你，一山就來，用溢 (ik) 的來，當然嘛是愛拍拚。「天放一山來」這句話就親像咱俗語講的：「人飼人，一支骨；天飼人，肥朒朒」(Lâng tshī lâng, tsi̍t ki kut; thinn tshī lâng, puî-tsut-tsut.)。

(華語)
這句話提醒世人，命裡有時終需有，命裡無時莫強求，該放手就要放下。有人說，不要逆天行事，要隨順天地運行。
這是山友寫的春聯，右邊上聯「春隨茶草綠」，左邊下聯「人與梅花香」。重點是橫批那句「天放一山來」，蔡班長研究很久，發現這一句要用台語唸。老天爺主宰，天若有意賜福給你，整座山生生不息，源源不絕，當然還是要努力。「天放一山來」這句話就像台語俗諺:「人飼人，一支骨；天飼人，肥朒朒」，比喻人是天生地養的。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

台語漢字: 棕蓑
台羅拼音: tsang-sui
華語詞目: 蓑衣
詮釋:
(台語漢字)
棕蓑材料是棕仔樹，就是以早的雨幔 (hōo-mua)，作田人落雨天就穿棕蓑去作穡，才袂沃澹。
北部的棕蓑佮下港的無仝，雙沿的，內底外口編織法無仝。手䘼 (tshiú-ńg) 若傷長會當撆起來 (pih--khí-lâi)，有一个鈕仔 (liú-á) 會使拗 (áu) 過來。做囡仔的時攏干焦穿頂半身 (puànn-sin)，下半身穿袂過。

(華語)
蓑衣的材料是山棕，可以披穿在身上防雨，就是以前的雨衣，農夫雨天就穿蓑衣下田工作，才不會淋溼。
台灣北部的蓑衣跟南部不同，北部蓑衣有兩層，內外層編織法不同。袖子如果太長可以捲起來，有一個扣子，可將上衣下擺折起來固定。孩提時代都只穿上半身，下半身太長，穿不了。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

台語漢字: 塗牆
台羅拼音: thôo-tshiûnn
華語詞目: 夯土牆
詮釋:
(台語漢字)
整修塗墼厝的過程，發現厝內有一堵(tóo)塗牆，內底的楹仔料(ênn-á liāu) 攏予白蟻食食去矣。
塗牆 (thôo tshiûnn) 內底有排竹仔，竹仔破破 (phuà) 排排咧，共反爿 (píng-pîng)，一層 (tsàn) 一層排，一沿一沿疊 (tha̍h)，遮有排竹箅 (tik pín)，敢若塗墼咧挲 (so) 塗漿仝款，這沿舂 (tsing) 過了後，欲閣舂這沿，遮就愛閣排一个竹箅 (tik pín)，排田字型。

(華語)
整修土磚屋過程中，發現屋裡有一面土牆，內層支撐的木料都被白蟻蛀蝕殆盡。
土牆裡面有竹子支架，竹子剖開翻面，一層一層鋪排堆疊，用竹子編成支架，像是土磚牆外層塗抹土漿一般，底下一層壓實之後，要再往上堆疊，就要先放置一個竹支架，縱橫交錯成田字型。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

台語漢字: 印塗墼 (動詞)
台羅拼音: ìn thôo-kat
華語詞目: 用模具製作土磚
詮釋:
(台語漢字)
以早印塗墼攏是佇秋天稻仔割起來了後，共田洘 (khó) 起來，就印佇田，有的印佇田岸 (tshân-huānn)。塗墼印好就囥 (khǹg) 佇田邊予焦，𠕇度 (tīng-tōo) 夠，有法度提轉來的時，才用畚箕(pùn-ki) 去擔轉來。
印塗墼過程：
1.用稻草絪 (tiū-tsháu-in) 搵(ùn) 塗水，共塗墼印 (thôo-kat-ìn) 抹予澹(tâm)，較好脫模。
2.下底愛先掖 (iā) 粗糠 (tshoo-khng)，才袂黏牢咧（liâm-tiâu--leh）。
3.塗挖起來，愛對塗墼印四角共揤落 (ji̍h--lo̍h)，愛揤予實 (tsa̍t)。四角愛飽滇 (pá-tīnn)，面頂抹予平。
4.聽候一段時間就會當脫模，共塗墼印搝 (khiú) 起來。塗墼印好就囥 (khǹg) 佇田邊予焦(ta)。塗墼欲齊焦 (tsiâu ta)，差不多愛規半年。

註解：塗墼印 (thôo-kat-ìn) : [名詞]印塗墼的模仔 (bôo-á)，以早用杉仔枋 (sam-á-pang) 製作，寸尺在 (tsāi)人，無固定。

(華語)
以前製作土磚塊都是在秋收之後，田裡的水放乾，就地在田裡製作土磚，有的就在田埂製作。土磚脫模就放在田裡乾燥，硬度夠，可以移動時，才用畚箕挑回家。
製作土磚過程：
1.用一小束稻草沾泥漿水，將土磚模子打溼，比較容易脫模。
2.底部要先灑一層稻穀外殼，避免土磚黏在地上。
3.泥巴挖起來，先從模子角落填入泥團。底部和四個角落要完全壓實填滿，表面抹平。
4.等待一段時間就可以脫模，將模子拉起來。土磚脫模成形就靜置田邊乾燥。土磚完全乾燥，大約需要半年。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

查看素材詳目

台語漢字: 風颱硩
台羅拼音: hong-thai-teh
華語詞目: 地錨、防颱、防風、固定屋頂
詮釋:
(台語漢字)
風颱的時，驚厝頂予風飛去，愛共厝頂用索仔 (soh-á) 縛 (pa̍k) 咧地牛 (tē-gû) 固定，索仔穿對簷口梁過，厝頂共挽 (bán) 予牢，莫予風吹去。
以早是用大石頭，抑是舂臼 (tsing-khū) 輾 (lìn) 來縛 (pa̍k)，彼粒舂臼 (tsing-khū) 少年𢯾 (mooh)有法，落尾規氣縛 (pa̍k) 咧地牛 (tē-gû)。面頂縛 (pa̍k) 佇簷口 (tsînn-kháu) 這枝梁，叫做簷口梁 (tsînn- kháu-niû)，主要是顧梁，梁若牢，厝頂就牢咧。咱攏縛(pa̍k)較風頭，風頭較重要，內底就無縛矣。

(華語)
颱風來襲，擔心屋頂被強風吹走，要將屋頂用繩索綁在地錨固定，繩子穿過屋簷短樑，屋頂固定好，避免被風吹走。
以前地面是綁在大石頭或是將舂米的石臼滾過來綑綁固定，年輕時有體力搬動那個石臼，後來乾脆綁在地錨固定。繩子上端綁在屋簷下的橫樑，叫做屋簷樑，重點是把樑固定好，屋樑穩固，屋頂就牢固了。一般都是在迎風面綑綁固定，迎風面是防風重點，裡面就不需要特別加強了。


採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

台語漢字: 疊倒匼
台羅拼音: thia̍p tò-khap
華語詞目: 土磚倒置砌牆、土磚反向砌牆
詮釋:
(台語漢字)
塗墼印搝起來，塗墼邊仔角較深較懸 (kuân)，頂面焦了後會小可凹落去 (nah--lo̍h-khì)。塗墼有粗糠彼面是底，底是平的。咱塗墼愛疊倒匼，有粗糠彼面疊頂懸，毋是正疊。
塗墼倒匼，塗漿抹咧交體 (kau-thé) 中間，有一个凹落去的所在，面頂彼塊再閣靠落(khuà--lo̍h)，愛牽繩線 (khan tsîn-suànn) 掠直。塗墼靠落去，一焦一澹 (tâm) 收水真緊，比紅毛塗 (âng-mn̂g-thôo) 收水閣較緊，一下仔久，就撨袂振動 (tshiâu bē tín-tāng) 矣。

(華語)
土磚脫模成形，四周邊緣角落較高，上方表面乾燥後稍微凹陷。土磚有稻糠那面是底部，底部是平的。砌土牆的時候，土磚底部有稻糠那面朝上，倒置疊放，不是正向堆疊。
土磚底倒置疊放，土漿抹在上下兩塊土磚之間凹陷處，上面那塊土磚放置堆砌，要拉墨繩取水平線。土磚疊放上去，一乾一溼迅速吸水，比水泥還快，瞬間就無法移動調整了。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

台語漢字: 反塗墼
台羅拼音: píng thôo-kat
華語詞目: 翻轉土磚、翻轉土塊
詮釋:
(台語漢字)
塗墼印好囥 (khǹg) 予焦，等伊脫水脫到一个程度，愛閣反予徛 (khiā) 起來，水分流失 (lâu-sit) 會較緊。
塗墼 (tshāi) 起來，食力 (tsia̍h-la̍t) 面積較細，愛小可有一个𠕇度 (tīng-tōo) 才袂變形去。若傷早反，就會歪膏揤斜 (uai-ko-tshi̍h-tshua̍h)。　
塗墼愛囥 (khǹg) 規半年才會完全焦，毋閣只要𠕇度 (tīng-tōo) 有夠，就會當提來起厝。塗若無夠焦，趕緊欲疊 (thia̍p)，就會敧去 (khi--khìr)，敢若跍落來 (khû--lo̍h-lâi)。

(華語)
土磚成形脫模後靜置乾燥，等脫水到一個程度，要翻轉方向讓它直立起來，加速水分流失。
土磚豎立起來，受力面積較小，土磚必須要有足夠的硬度，才不至於變形。若硬度還不夠，太早翻轉直立，就會歪斜變形。
土磚要放置半年才會完全乾燥，不過只要硬度夠，就可以用來蓋房子。假使土磚不夠乾，急著砌牆，牆壁會傾斜，彷彿矮一截。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

台語漢字: 物件愛舊，衫愛新
台羅拼音: Mn̍gh-kiānn ài kū, sann ài sin.
華語詞目: 東西要舊，衣服要新
詮釋:
(台語漢字)
古早人咧講一句話，「物件愛舊，衫愛新」舊的物件若會曉珍惜，是袂䆀 (bái) 啦！
塗墼厝的好處是較通風，會使保持溫度，暗時咧睏溫差較袂遐大。尤其台灣較溼 (sip)，塗墼厝溼氣較袂遐重，透南風的時陣，塗跤嘛較袂反澹 (huán tâm) 溡溡 (tshî-tshî)。
60年代70年代彼久現代化，共一寡古早傳統的厝攏翻 (huan) 掉，講這舊厝無行情，咱嘛無知這遮好用。咱這間是提著政府的補助，咱嘛共愛惜，才保留到這久。

(華語)
古人有言：「東西要舊，衣服要新」若懂得珍惜老舊事物，是很好的！
土磚屋的好處是比較通風，可以保持恆溫，晚上睡覺溫差不至於太大。台灣較潮溼，土磚屋溼氣不會那麼重，吹南風的時候，地面不會返潮溼溼的。
六七十年代現代化，一些傳統老房子紛紛汰換整建為現代建築，認為老房子沒行情，當時我們也不了解土磚屋的優點。這間土磚屋是領到政府補助金整修，我們也很愛惜，才保留到現在。

採錄對象: 深坑蔡氏古厝/蔡金來
採錄與彙整: 林芳敏
總審定: 王桂蘭博士

查看素材詳目

查看素材詳目

台語漢字: 樓梯田（山田仔）
台羅拼音: lâu-thui-tshân（suann-tshân-á）
華語詞目: 梯田
詮釋:
(台語漢字)
順著山坡地ê山勢，開墾出一層（tsàn）一層ê細塊平地，若像一坎（gám）一坎ê樓梯，用來種稻仔，所以號做樓梯田。樓梯田是先民寶惜土地ê方式，共歹種作、厚石頭ê山塗，用人工擔抑是用水牛拖，沓沓仔換田底，閣引山水來淹田，才有法度佈稻仔。

(華語)
順著山坡地的地形，開墾出一層一層的小塊平地，就像一階一階的樓梯，用來種稻米，所以叫做梯田。梯田是先民善用土地的方式，將難耕作、多石頭的山坡地，用人力擔或是用水牛拖，慢慢改善田土，再引山上的水源灌溉，才能插秧種稻。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

台語漢字: 剷
台羅拼音: thuánn
華語詞目: 剷
詮釋:
(台語漢字)
動詞，用鋤頭共田裡ê雜草抑是收成了ê稻仔頭挖起來。
班長講：秋天攏會共彼个田洘起來，洘起來共稻草頭剷剷ê乎 (honnh)，直接印咧田ê，有ê是去印咧田岸，無佇遮啦，攏直接咧田ê遐。因為你愛閣提蓋遠嘛，咧田ê遐就tsiū地嘛，彼个稻草。咱欲印塗墼ê所在愛焦嘛，稻仔頭共剷剷咧，邊仔閣做一个水路，毋拄好若淹水，邊仔閣做水路起來。所以講以早咧印塗墼嘛真辛苦，古早人咧起厝真辛苦，無像講咱這馬材料叫來就有。

(華語)
動詞，用鋤頭將田裡的雜草或是收成後的稻草根挖起來。
班長說：秋天收成之後，把稻草根剷一剷，直接在田裡製作土磚，有的是放在田埂，不會在這裡，都直接在田地那邊。因為你要搬很遠嘛，在田地就地嘛，取那個稻草。製作土磚的地方要乾燥，稻草根剷一剷，四面做一條溝，預防淹水，做一條排水溝。所以以前做土磚很辛苦，古人蓋房子很辛苦，不像現在材料取得方便。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

台語漢字: 稻草絪
台羅拼音: tiū-tsháu-in
華語詞目: 稻草捲
詮釋:
(台語漢字)
共一把焦稻草，拗拗咧縛做一捆，會使提來引火，嘛會使提來搵塗水共塗墼印沐予澹。稻草絪若是提來抹塗墼印，用煞著愛擲掉，袂使摻落去印塗墼ê塗內底，彼是一種譴損。
班長講：咱咧抹水這个稻草無，這个草絪講袂使共櫼咧塗墼lueh。咱這有無，咱袂使講曷這个 tsua̋nn-ê 印印咧 tsua̋nn-ê 共櫼對內底 lueh，講袂用得，這个愛另外分開。彼濟歲人講草絪就共擲掉，袂使閣共摻lueh。

(華語)
將一小把乾稻草，折一折綁成一綑，可以拿來引火，也可以拿來沾泥水將土磚模具抹濕。拿來抹濕土磚模具的稻草捲，用完之後只能丟棄，不能加入製作土磚的土裡，那是禁忌。
班長說：這個抹水的稻草捲，不能加進去土磚泥裡面。不能說土磚做一做，就把稻草捲加進去，這個要另外放。老人家說稻草捲要丟掉，不能加進去。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

台語漢字: 升
台羅拼音: sing
華語詞目: 加高
詮釋:
(台語漢字)
動詞，增加壁堵抑是門ê懸度。
班長講：塗牆：伊這个主體 honnh，這个本來是一片塗牆，當初咧維修ê時陣，我就真頭疼。因為塗牆，你欲共伊補閣袂牢，欲共伊「升」，伊彼舊ê佮新ê袂相食穿，閣卡著伊這梁柱懸低閣相疊，毋知欲按怎。
門：以早ê人較矮嘛，這馬ê人食 li̍k 遐好， tia̋nn 欲去挵著彼支
thōng-á-liāu，所以講有共改較懸一屑仔。所以講有共伊改ê就是講共伊「升」較懸一下。

(華語)
動詞，將牆壁或是門加高。
班長說：夯土牆：它這個主體，這個本來是一片夯土牆，當初在維修的時候，我就很頭痛。因為夯土牆，補土補不牢，要加高，新舊材料無法相容，又卡到樑柱高低交疊，不知道要怎麼辦。
門：以前的人比較矮，現在的人飲食好，常常會去撞到橫樑，所以把它加高一點。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

台語漢字: 升、降、進、退
台羅拼音: sing、kàng、tsìn、thè
華語詞目: 升、降、進、退
詮釋:
(台語漢字)
起厝上梁ê時陣，用來調整方向ê用語。
升：搝懸。降：放低。進：徙入去厝內彼爿。退：徙出來厝外彼面。

班長講：升佮降，進佮退。進佮退就是按呢嘛，倒爿（比對厝內）正爿（比對外口）嘛，曷欲撨彼个。曷升較懸咧，曷降較低咧，這嘛是一个講，一般人咧講ê講號做專業術語，曷就罔聽罔學按呢啦。

(華語)
蓋房子上樑的時候，調整方向的用語。
升：抬高。降：放低。進：往房子內部移動。退：往房子外面移動。

班長說：升跟降，進跟退。進跟退就是這樣，左右嘛，來調整那個。升高一點，降低一點。這就是一般人說的，叫做專業術語。就邊聽邊學啦。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

查看素材詳目

台語漢字: 竹桮
台羅拼音: tik-pue
華語詞目: 半管竹管
詮釋:
(台語漢字)
引水ê竹管。共竹仔破予伊變做兩爿，彼半爿ê竹管就號做竹桮。共竹桮ê竹目拍予通，閣共一節一節ê竹桮相接，就會使對厝前後壁有水ê所在，共水引入來厝內ê水缸，貯起來用。
班長講：竹仔一支共破做兩爿，tsua̋n-ne相接出來，我做囡仔ê印象中是按呢引水ê。這馬干焦賰草厝遐猶閣有爾。水缸內底有放魚仔（石斑）抑是蝦仔，是咧測水質ê。做水田ê時陣，彼久農藥嘛用真重，所以講若 khua̋inn 彼个小山溝仔，若有魚仔蝦仔咧死ê中間就愛注意。

(華語)
接水的竹管。將竹子剖成兩半、竹節打通，再將一段一段的竹管相接，就可以當成水管，將附近的水源引入屋內水缸，貯存起來使用。
班長說：竹子一支剖成兩半，再接起來，我兒時的記憶就是這樣接水的。現在只剩草屋那邊還有在用而已。水缸裡面有養魚(台灣光唇魚，俗稱石石賓、石斑)或蝦，是在測水質的。種水稻的時候，以前農藥也用很多，所以如果看見小山溝有魚蝦死亡，就要注意了。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

台語漢字: 伸跤
台羅拼音: tshun-kha
華語詞目: 廂房
詮釋:
(台語漢字)
護龍ê另外一種講法。護龍對正廳（正身）ê雙爿伸出去，若像人坐咧塗跤，伸出去ê雙跤，所以號做伸跤。
班長講：正廳ê大門較大，這个伸跤 lua̋i 伊就較細矣。正手爿伸跤ê門無改，因為是修理ê嘛，就照舊共維修起來。唯一有改變就是講，倒手爿伸跤ê門就有共伊用較懸一下。

(華語)
傳統三合院或四合院的建築，廂房由正廳的兩側伸出去，就像人坐著伸出去的雙腿。
班長說：正廳的大門比較大，廂房的門就比較小了。右邊廂房的門沒有改大，因為是修繕的，就照舊把它維修起來。唯一有改變的是，左邊廂房的門有提高一些。

採錄對象: 深坑蔡氏古厝/蔡金來
採錄與彙整: 賴恆黎
總審定: 王桂蘭博士

查看素材詳目

台語漢字: 漚塗
台羅拼音: au-thôo
華語詞目: 把土和稻草混合浸泡
詮釋:
(台語漢字)
塗墼若欲做會好勢，漚塗是上重要的工課。
做塗墼上好是用田塗，閣摻稻草落去攪。共稻草鉸差不多十公分長，了後共摻佇田塗內面攪予齊勻，稻草拄摻落去的時較焦,愛和田塗做伙浞，浞甲稻草變軟，稻草佮田塗才會相食穿，了後閣落去漚，大概漚半月日。佇這半月日的中間，逐工攏愛共加水落去浞予齊，按呢欲做塗墼的密度才有夠。
漚塗的用意應該是欲予田塗佮稻草會當濫濫做伙成做一體，起厝的時塗墼才袂必開。

(華語)
土磚塊若要做得好，田土與稻草混合後的浸泡是很重要的工作。
製作土磚塊最好的材料是田土，然後摻雜稻草下去攪拌。把稻草剪約十公分長然後和田土攪拌均勻。稻草剛摻入時較乾燥，要和田土一起搓揉攪拌，稻草才會變軟，和田土才拌得均勻。接著要浸泡，約泡半個月後才能做成土磚塊，在這半個月內每天都要加水及攪拌搓揉，這樣要做土磚塊的密度才夠。
浸泡攪拌稻草與田土的用意是讓它們可以更均勻的融為一體，蓋房子時土磚塊才不會龜裂。

採錄對象: 深坑蔡氏古厝/蔡金來
採錄與彙整: 陳草
總審定: 王桂蘭博士